الشاعر حسام غزال خالتى تونس )

الشاعر حسام غزال
خالتى تونس )

ياخضرا يا ام الطرحة خضرا فى قلوبنا مفروشة
ياللى غيطانك طارحة عيدان المسك مرشوشة
يالوحة من رسم البديع من غير قلم او ريشة
تونس ياخالتى .. ياخت امى وحبيبتى
والله باحبك .. ياهادية وقوية .. ياثايرة وبشوشة
*****

لملمتى فرحك.. وجرحك ياخضرا طاب
لما حلفتى مايفضل ماليكى الضباب
وصرختى صرخة .. جه وقت الحساب
ندهتى.. يابنى ويابنتى
ياناسى ف مدينتى
اصحوا وفوقوا .. كفايا غياب
*****

كفايا مهانة وواجهوا الفساد
بدم الشهيد بدوسة زناد
ثوروا وهدوا سياخ العناد
تونس ياخالتى ..
ياخت امى وحبيتى
والله باحبك ..
ياهادية .. وقوية.. ياثايرة وبشوشة
ياخضرا ..
يا ام الطرحة خضرا فى قلوبتا مفروشة

الشاعر / حسام غزال

قصيدة جميلة تعبر عن واقع مأساوي تعيشه تونس الخضراء. وكلنا أمل في أن تهدأ الأوضاع .شكرا للأستاذ سامي النجار على الموضوع الجميل...تحياتي.

شكرا لتشريفك عالم سمسم للمسرح
انت نور لنا جميعا تحياتى لك أختنا العزيزة الراقية حياة نخلى