الشاعر حسام غزال انا مش لاقيكى )

الشاعر حسام غزال
انا مش لاقيكى )

فى طبلة وعود..سمعت صوتك
ريحة البيوت .. لون جالبيتك
خدنى الحنين..لاقتنى جيتك
***
ندهت ليكى..جريت عليكى
من برد غربة.. ادّفى فيكى
وانا جوة حضنك..وانابين ايديكى
لاقتنى حاسس انا مش لاقيكى
***
طعم الامان..حارة زمان نسيت زمانك
صورة المكان..حتى الغيطان طرحت حيطانك
شكل الوشوش..عم البشوش اصبح غرابك
عشان يعيش بلقمة وعيش..بيوس ترابك
***
ندهت ليكى..جريت عليكى
من برد غربة.. أدّفى فيكى
وانا جوة حضنك..وانا بين ايديكى
لاقتنى حاسس انا مش لاقيكى
***
بس برضة حاحب ايدك
وانام فى غيطك
وهافضل اطرح..لحد مافرح
واقول لاقيتك

تحياتى لك انت شاعر تنقل الواقع بصور مختلفة

» الشاعر حسام غزال ( صوت مصر )
» آسف يامصر الشاعر حسام غزال
» الشاعر حسام غزال صرخة صعيدى )
» الشاعر حسام غزال يا ام الجرس والمدنتين )
» الشاعر حسام غزال خالتى تونس )