الشاعر حسام غزال رسالة الى الامة العربية

الشاعر حسام غزال
رسالة الى الامة العربية



( يا ام العباية )





يا ام العباية .. قومى بصى فى المرايا

شوفى قلبك .. قد اية مليان خطايا

طهرية ..

شيلى منه كل نبتة فاسدة فيه

ضمى نبضك واحضنية

وامسحى دموع الصبايا

*******

يام العباية .. قومى بصى فى المرايا

شعرك الهمجى لملمية

ولا حتى البسى الطرحة ودارية

ليه تخلّى كل حد يعيب علية

واللى مايساووش جنية

يلبسوكى ميت جناية

*******

يا ام العباية .. قومى بصى فى المرايا

شوفى نفسك ..

راجعى نفسك ..

من سنين وانتى سارحة وسايبة نفسك..

للى طمعان واللى عاوزك ..

تبقى حتى بدون عباية

*******

يا ام العباية .. قومى بصى فى المرايا

انفضى روحك ..اصرخى.. فوقى لروحك

سمعى كل الخلايق يامّا صوتك

وحدى عيالك.. داوى بيهم جروحك

علشان تعيشى حرة.. وما تطلعش روحك

واكسبى كل القضايا

يام العباية .. قومى بصى فى المرايا

رسالة رائعة
تحياتى لك