عالم سمسم للمسرح
أسرة عالم سمسم للمسرح ترحب بكم وترحب بآرائكم ومشاركتكم فى المنتدى
عالم سمسم للمسرح

أدب - فن - مسرح - ثقافة نقد تراث
 
الرئيسيةالرئيسية  البوابةالبوابة  التسجيلالتسجيل  دخولدخول  
قريبا بالاسواق المجموعة القصصية الأولى البهلوان للكاتب والصحفى والمخرج المسرحى سامى النجار دراسة وتقديم الروائى وكاتب الأطفال فريد محمد معوض
انتظروا جريدة الموعد الرياضية فى ثوبها الجديد
قريبا فى الأسواق مجلة دنيا النجوم فى ثوبها الجديد أجرئ الحوارات الصحفية أخبار أهل الفن و الأدب
سامية والذئب مجموعة قصصية للأطفال للكاتب سامى النجار
سلوى والمكتبة قصص جديدة للأطفال للكاتب سامى النجار
قريبا بالاسواق رواية عيون تلمع فى الخريف للكاتب محمود عبد الله محمد والتى سوف يحولها الكاتب إلى مسلسل تلفيزيونى
صدور المجموعة القصصية حكايات الجد مشعل للكاتب محمود عبد الله محمد عن الهيئة العامة للكتاب وهى مجموعة قصص للطفل
تحت الطبع مسرحية الفراشة الزرقاء وهى مسرحية للطفل للكاتب سامى النجار
قريبا بالاسواق ديوان شعرى جديد بعنوان آه يا بلد للكاتب سامى النجار
صدور المجموعة القصصية ريحان والحقيبة البنية للكاتب محمود عبد الله محمد
أسرة عالم سمسم ترحب بالميدع زين العابدين فمرحبا به ونتمنى منه المشاركة بأعمالة الرائعة

شاطر | 
 

 مسرحية / الفراشة الزرقاء تأليف / سامى النجار

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 59
تاريخ التسجيل : 24/02/2010
الموقع : http://samypress.blogspot.com

مُساهمةموضوع: مسرحية / الفراشة الزرقاء تأليف / سامى النجار    الخميس 28 أكتوبر 2010 - 12:19

[b] مســـــر حيــة


الفر اشـة الـزرقــــاء


تـــألــيـف


ســامــى مـحمـد النـجـار









شخصيات المسرحية
1- نبات الزعتر
2- الفراشة
3- النمل البنى
4- النمل الأسود
5- الحارس
6- الجبل
7- العنزة
8- مجموعة من النبات
9- القاضى
10- الحاجب
11- أهل المنطقة
12-
[المشهـــد الأول]
( المسرح خالى لا يوجد عليه غير برفان يوجد عليه بعض الأقنعة و الاكسسوار الذى يستخدم فى التشخيص يدخل مجدى )
مجدى :إحنا بقى فرافير المسرح جايين نمثل ونغنى أحلى الروايات الكوميدية
وكمان فيه العلمية اللى هانقدم ليكم فيها معلومة جديدة عن كل نبات
أو حيوان علشان نعرف إن الطبيعة فيها حاجات كتيرة ممكن تفيدنا


هنية : (تدخل) جرى إيه يا أستاذ مجدى هو انت ناوى تشتغل لوحدك ؟ ولا إيه؟

مجدى : لا ياست هنية لازم تعرفى إن العمل تعاون و إن مفيش حد يقدر
يعمل حاجة لوحده وان ربنا خلقنا علشان نكمل بعض

هنية : أصل سمعتك بتقول لأطفالنا الحلوين إن انت ها تقدم ليهم روايات
علمية ويا ترى اسم الرواية إيه ؟ وبعدين إنت ناوى تقدم مسرحية
ارتجالى ؟
مجدى : ماهو لو حضرتك كنت بتحضرى البروفات كنتى عرفتى هانشتغل إيه
إيه النهاردة على العموم لسه باقى ساعة ممكن تحفظى الدور بتاعك

هنية : امال فين بقية الفرقة ؟
مجدى : زمانهم جايين بس أنا قلت أعمل بروفة يا الله خدى النص وراجعى
دورك اللى ها تعمليه
هنية : اسم الرواية إيه ؟
مجدى : اسمها الفراشة الزرقاء وانت ها تعملى الفراشة
هنية : وسعدية بتلعب إيه ؟
مجدى : هاتلعب العنزة وأنا بعمل الحارس ومحمود بيلعب نبات الزعتر
وبقية الفرقة فيه اللى ها يلعب النمل البنى والأسود والجبال

هنية : يعنى كل الفرقة هاتشتغل ....
(يدخل أفراد الفرقة واحد تلو الآخر وكل واحد يأخذ العروسة
التى سوف يؤدى بها الشخصية )
مجدى : يا الله يا جماعة ندخل نجهز شغلنا

اظلام
المشهـد الثاني
خلفية المسرح عبارة عن رسوم لبعض الجبال التى تعبر عن جبال سانت كاترين وجبل موسى وبعض الجبال الأخرى تدخل الفراشة وهى تغنى
أغنية تعبر عن الصباح والحب ثم يدخل أحد النباتات صارخا ...

نبات : الحقوا يا أصدقاء
الفراشة : إيه اللى حصل ؟
نبات : العنزة ........ الحقوا العنزة
النمل البنى : مالها ؟
نبات :جايبة الأغنام والماعز وعملوا هجوم علينا
الفراشة : ودول دخلوا ازاى من الأسلاك (السلك )
نبات : مش عارف أهو دا اللى حصل
النمل البنى : والحراس كانوا فين ؟
نبات : يالله ننقذ النباتات مش وقت كلام
(يندفع الجميع نحو عمق المسرح ونسمع أصوات
استغاثة من النباتات من وقت لآخر )
زعتر : اعمل حاجة يا صديقى النمل أنت اللى ممكن تتصرف
(يخرج النمل البنى إلى الخارج )
النمل الأسود : أهو هرب من المعركة خايف لا يموت أما صحيح جبان

الفراشة : لا صديقنا النمل ما هربش
النمل الأسود : أمال راح فين ؟ أكيد خايف على نفسه
الفراشة : مستحيل يهرب أنا عارفة انه شجاع لأنه دايما بيدافع عننا

زعتر : انتى متأكدة انه ما هربش ؟
النمل الأسود : أمال سايبكم محتاسين ليه ؟
الفراشة : مش ممكن يسبنا ويهرب
زعتر : الماعز ها تقضى على النبات حد يشوف لنا حل يا جماعة

(يدخل النمل البنى ووراءه الحارس ويتجهون ناحية الماعز )

النمل البنى : أرجوك انقذ صديقى النبات
الحارس : طيب يا جماعة ما تخافوش إحنا هنا علشان نحافظ عليكم وندافع
عنكم (يحاول اطلاق الرصاص على الماعز )

الفراشة : لا أرجوك إحنا مش عايزين ضرب نار
الحارس : ما هو لازم أعمل كده علشان يخرجوا من المنطقة دى

زعتر : إحنا ما نقدرش نشوف الدم
الحارس : أمال نتعامل معاهم ازاى ؟
الفراشة : لازم نتفاوض معاهم ونعمل معاهدة
النمل بنى : فعلا لازم نعمل معاهدة معاهم
سانت كاترين: شوف يا إنسان أنا أقدم جبل فى المنطقة أنا وصديقى ج جبل موسى و ارتفاعنا حوالى 2641 م فوق مستوى
سطح البحر
الحارس : وإيه دخل ارتفاعكم فى المشكلة اللى إحنا فيها دى الوقت

الجبل : ما هو لازم تعرفوا أهمية المنطقة علشان تحافظوا عليها
(مازالت الماعز تأكل النبات )
زعتر : يا ناس أنقذونا هيدمرونا حد يجى ينقذنا
النباتات : (للنمل) عشان خاطرنا انقذ صديقنا نبات الزعتر انت اللى ممكن تنقذه

النمل الأسود : معلهش يا جماعة أنا كان نفسى أساعد بس فعلا إحنا تعبانين
لأن طول النهار بندور على رزقنا ( بخبث )انتوا مش طلبتوا
المساعدة من اللى هرب منكم وقت الخطر
(يدخل النمل البنى ومعه الحارس وفى يده بعض الحبال )

الحارس : امسكى يا فراشة معايا حلق عليهم يانمل يا بنى و أنا هاربطهم
وكلكم تشدوهم معايا و تخرجوهم من هنا
(الفراشات والنمل والحارس يربطون الماعز ويبعدونهم عن نبات الزعتر )
النمل البنى : شايفين فعلا حارس شجاع أنقذ صديقنا
نبات الزعتر
الحارس : لا إحنا جميعا شاركنا فى إنقاذه
النمل الأسود : آه طبعا ده تواضع منك أيها الحارس
ودى دايما صفات البطل الحقيقى
الفراشة : بس النمل الأسود ما شاركش معانا على الرغم
انه عايش معانا وبيستفيد من وجود صديقنا
نبات الزعتر
الحارس : لا كلنا شاركنا فى إنقاذه
الفراشة : حمد الله على السلامة يازعتر لازم نحتفل
بإنقاذ صديقنا (أغنية مع بعض الاستعراضات )
النمل الأسود : الحارس ضحك عليهم واكل بعقلهم
حلاوة 00أرزاق
الفراشة : (تقترب منه ) بتكلم نفسك
النمل الأسود : لا بس أنا زعلان منكم
الفراشة : ليه بقى ؟
النمل الأسود : زمان كنا كلنا أيد واحدة وكنا بنأخذ
رأى بعض لكن من ساعة ما بقى فيه
حراس من البشر وانتوا بتلجأوا لهم دى
الوقت فى كل حاجة
الفراشة : لا يا كبير انت اللى عملت الفجوة دى
بينك وبين أصدقاءنا
النمل الأسود : فجوة إيه اللى انت بتقولى عليها
الفراشة : من ساعة ما بقيت تأكل الدود بتاعنا
النمل الأسود : بس ده مش صحيح
الفراشة : أمال تقدر تقولىّ ليه إحنا دى الوقت
بيقل نسلنا
النمل الأسود : طيب ما تيجى نعمل اتفاقية مع بعض
وسيبكم من نبات الزعتر
الفراشة : لا لا يا كبير إحنا ما نقدرش نستغنى عن
صديقنا الزعتر لأنه بيقدم لنا حاجات كثيرة
مثل رحيق الأزهار اللى من خلاله بنفرز مادة
شبيهه بالعسل علشان يتغذى عليها النمل البنى
ذات البطن السوداء
(يدخل الزعتر والنمل الأسود ينسحب فى هدوء )
الزعتر : السلام عليكم
الفراشة : وعليكم السلام ورحمة الله وبركاته
الزعتر : شكرا لكى يا صديقتى العزيزة كنت شجاعة
وانت بتنقذينى قبل ما يدمروا الجزء اللى
باقى مننا
الفراشة : لا اللى يستحق الشكر هو صديقنا الحارس
اللى جرى بسرعة وجاب الحبال فهو اللى
لازم نشكره على شجاعته
الزعتر : طيب نلاقيه فين عشان أشكره
الفراشة : حتلاقيه هناك عند كشك الحراسة
الزعتر : طيب يا الله بينا نروح نشكره
[color=black]إظلام[/b[/
color]][size
=12][/size]
الرجوع الى أعلى الصفحة اذهب الى الأسفل
http://samypress.yoo7.com
 
مسرحية / الفراشة الزرقاء تأليف / سامى النجار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم سمسم للمسرح  :: أدب طفل :: مسرح طفل-
انتقل الى: