الشاعر حسام غزال صرخة صعيدى )

الشاعر حسام غزال
صرخة صعيدى )
عم العمدة فى العمودية بقالة سنين
داس رقابينا ولطش فينا شمال ويمين
****
مرة يزور مرة يدور فينا الضرب
سارق بيتنا بايع غيطنا شرق وغرب
واكل قوتنا لحد مامتنا خلاص م الكرب
دبر .. غير سلو بلدنا بالقوانين
****
واللى هايخرس سايبة يعيش
واللى هاينطق بالخرزانة ياعم شويش
اصلة بيرسم ع العمودية لولدة ياسين
****
عم العمدة فى العمودية بقالة سنين
داس رقابينا ولطش فينا شمال ويمين
****
عامل شلة منصرجية عشان يحموه
شيخ المنصر وابن المنصر واللى جابوه
كل ماينطق كلمة بسقفة بيحيوه
مصلحجية وناضورجية علينا دايسين
****
واللى هايخرس سايبة يعيش
واللى هاينطق بالخرزانة ياعم شويش
****

خلاص كلينا لميتة هانفضل كدة ساكتين
عم العمدة فى العمودية بقالة سنين
داس رقابينا ولطش فينا شمال ويمين

رائعة وتحمل رسالة جميلة لمن يفهم